Йеллен: АҚШ-тың ұлттық қарызының шегін көтеруден бас тарту қаржы жүйесіне қауіп төндіреді
Фото: Джонатан Эрнст / Reuters
АҚШ-тың Қаржы министрі Джанет Йеллен егер Конгресс мемлекеттік қарыздың шегін тағы да арттыруды мақұлдамаса, елдің қаржылық жүйесіне үлкен қауіп төнетінін ескертті. Бұл туралы ол Reuters агенттігіне берген сұхбатында айтты.
Ол қарыздың шегін көтеруден бас тартуды жауапсыздық деп атады, оның үнемі көтеріліп келгенін еске салды. Оның айтуынша, мұндай қадам бүкіл елге қауіп төндіреді.
Йеллен: «Американың несие рейтингі мен ең маңызды қаржы нарығының жұмысына қауіп төндіру мүлдем жауапсыздық.
Бұған дейін АҚШ қаржы министрлігі АҚШ-тың мемлекеттік қарызы тарихта алғаш рет рекордтық көрсеткіштен 31 триллион доллардан асқанын хабарлады. 3 қазандағы жағдай бойынша АҚШ 31 123 887 781 401 доллар қарыз болды. Қарыз иелерінің көпшілігі жеке тұлғалар. Олардың үлесі 24 триллион доллардан асады. АҚШ-тың шетелдік үкіметтерге қарызы шамамен жеті триллион долларды құрайды.
