АҚШ қазынашылығы Қытайдан импортқа салынатын баж салығының бір бөлігі жойылуы мүмкін екенін мойындады
АҚШ қаржы министрі Джанет Йеллен. Мұрағат фото
АҚШ Қаржы министрі Джанет Йеллен Қытайдан келетін тауарларға салынатын кейбір баж салығы олардың қолданылуының «стратегиялық мақсаты» болмағандықтан қайта қаралуы мүмкін екенін мойындады.
АҚШ президенті Джо Байден бұған дейін өз әкімшілігіне АҚШ нарығындағы бағаны төмендету мүддесі үшін бұрынғы президент Дональд Трамп кезінде Қытай импортына енгізілген баж салығын оларды алып тастау мақсатында қайта қарауды тапсырған болатын.
Йеллен ABC арнасына берген сұхбатында: «Біз Қытайдың әділетсіз сауда тәжірибесі бар екенін мойындаймыз, оған жауап беру маңызды, бірақ бізге мұра болған тарифтер әрқашан стратегиялық емес және тек тұтынушылардың құнын арттырады», — деді.
«Сондықтан біз бұл тарифтердің кейбірін қайта конфигурациялауды қарастырып жатырмыз, осылайша олар мағыналы болады және жүктемені қажетсіз арттырмайды», — деп қосты ол.
Йелленнің әріптестері бұған дейін Қытайдан келетін кең ауқымды тұтыну тауарларына тарифтерді төмендетуді ашық қолдаған, бірақ болат немесе алюминийге тарифтерді сақтап қалуға кеңес берген.
