АҚШ-тың қазынашылығы Ресейдің мұнайдан түсетін кірісінің ұлғайғанын көріп, оны қысқартқысы келді
Фото: Unsplash
АҚШ әкімшілігі Ресей дүние жүзінде мұнай табысын арттырды деп есептейді. Бұл туралы Қазынашылық хатшысының бірінші орынбасары Адевале Адейемо мәлімдеді, деп хабарлайды ТАСС.
Ол Ресей мұнайды аз, бірақ жоғары бағамен сататынын түсіндірді. Оның айтуынша, Вашингтон «елдер ресейлік мұнайды сатып алуды жалғастыра алатынына қарамастан» Мәскеуге түсетін бұл кірісті азайтуды мақсат етіп отыр.
Атап айтқанда, Адейемо Америка Құрама Штаттары одақтастарымен және серіктестерімен болашақта ресейлік шикі мұнайға белгіленетін сатып алу бағасының шекті деңгейін енгізу перспективаларын талқылап жатқанын айтты. Осылайша, Вашингтон Ресей Федерациясының «пайдасын ала алмайтынына» көз жеткізуге тырысады.
Бұған дейін хабарлағанымыздай, Үндістандағы жеке мұнай өңдеу зауыттары (МӨЗ) мұнайды Ресейден жеңілдікпен сатып алып, шығу тегін жасырып, әлемдік нарыққа ресейлік жанармай қосылған өнімдерді шығара бастаған. Мысалы, сәуір айында үнділік компания жергілікті порттан танкер жалдап, шикізатты жоспарланбаған жеріне жеткізіп, мамыр айында Нью-Йоркте жанармай түсірді.
Баратын жері белгісіз кемелер бір айдан астам уақыт бойы ресейлік мұнай саудасында жиі қолданылып келеді. Мұнай теңізге тасымалданады, ол жерде басқа текті шикізатпен араласып, басқа танкерлерге қайта тиеледі. Мұнай өнімдерінің түрікмен қоспасы немесе латыш қоспасы деп аталатын жаңа сорттары нарыққа шығып үлгерді және олардың құрамында ресейлік мұнайдың айтарлықтай мөлшері бар екенін бәрі түсінеді, дейді мамандар.
соққы толқыны
