АҚШ-тың қазына министрлігі санкцияларға байланысты мұнай бағасының қыста көтерілу қаупі туралы хабарлады
Буффало-Гроув қаласындағы жанармай құю станциясындағы ер адам, Иллинойс, АҚШ. Мұрағат фото
АҚШ-тың Қаржы министрі Джанет Йеллен алдағы уақытта Ресейге қарсы санкциялардың кеңеюіне байланысты мұнай бағасының қыста көтерілу қаупін көріп отырғанын, бірақ ол «баға шегінің» тиімділігіне сенетінін айтты.
«Тәуекел бар және оны азайту үшін біз бағаның төбесі бойынша жұмыс істеп жатырмыз», — деді ол CNN-ге берген сұхбатында.
Ол қыста Еуропалық Одақ ресейлік мұнайдың көп бөлігін сатып алуды тоқтатып, оны теңіз арқылы тасымалдауға қатысты қызметтерді көрсетуге тыйым салатынын еске салды. «Бұл мұнай бағасының өсуіне әкелуі мүмкін», — деді ол.
Америка Құрама Штаттары одақтастарымен бірге Батыс белгілейтін баға шегіне түсетін мұнайды санкциялардан шығаруға келісті.
