ТАСС: АҚШ қазынашылығы 5 желтоқсаннан бастап ресейлік мұнайға шекті бағаның енгізілгенін растады.
Фото: Александр Манзюк / Reuters
АҚШ-тың Қаржы министрлігі ресейлік мұнай бағасының шекті режимі ағымдағы жылдың 5 желтоқсанынан бастап күшіне енетінін растады. Бұл туралы ТАСС хабарлайды.
Сондай-ақ, АҚШ департаменті 2023 жылдың 5 ақпанынан бастап бұл режим басқа мұнай өнімдеріне де қолданылатынын атап өтті.
Бұл ретте АҚШ қазынасы Ресейден жанар-жағармайды әдейі лимиттен жоғары бағаға сатып алып, жалған құжат ұсынған нарық қатысушыларына санкция салынуы мүмкін екенін ескертті.
Бұған дейін АҚШ Қаржы министрінің орынбасары Уолли Адейемо Вашингтон өзінің одақтастарымен бірге Ресей экспорттайтын мұнайға өзіндік құннан жоғары, бірақ нарық деңгейінен төмен баға шегін белгілейтінін айтқан болатын. Оның айтуынша, баға дәлізінің мұндай шекаралары Мәскеудің энергия экспортынан түсетін кірісін азайтады, бірақ сонымен бірге жеткізуді жалғастыру үшін ынталандыруды сақтайды.
Өз кезегінде Ресей президенті Владимир Путин нарықтық емес қандай да бір шектеулер енгізілсе, ел бұл шектеулерді қолдайтын мемлекеттерге газ беруден жалпы бас тартатынын ескертті.
