Бидайдың масағы. Мұрағат фото
Астық тиелген кемелердің Қара теңізге шығуы тараптардың дайындығына байланысты болады, басқа қиындықтар жоқ, деді Түркия президентінің ресми өкілі Ибрагим Калын.
Жұма күні Ыстамбұлда ресейлік өнімдерді экспортқа жеткізуге қойылған шектеулерді алып тастау және Украина астығын экспорттауға Ресейдің көмегі туралы көпжақты келісімдерге қол қою рәсімі өтті.
«Дәліз алдағы апталарда емес, бірнеше күнде жұмыс істей бастайды. Теңіз дайын, бұғаздар дайын. Кемелердің теңізге шығуы тараптардың дайындығына байланысты болады» деді Калын A Haber газетіне берген сұхбатында.
