Баффет 758 миллион доллардан астам акциясын қайырымдылыққа береді
Уоррен Баффет. Сурет: Рик Уилкинг / Reuters
Миллиардер инвестор Уоррен Баффет өз компаниясының 758 миллион доллардан астам акциясын қайырымдылыққа берді, деп жазады Bloomberg.
Аты аңызға айналған американдық миллиардер Сюзан Томпсон Баффет қорына 1,5 миллион B класындағы акцияны сыйға тартты, ал Баффет тағы да 300 000 акцияны Ховард Дж. Баффет қорына (ұлы басқарады), Шервуд қорына және NoVo қорына сыйға тартты.
Баффет 92 жаста, ол Forbes нұсқасы бойынша планетадағы бесінші ең бай бизнесмен. Оның капиталы 100 миллиард доллардан асады.
Баффет өткен жылы қайырымдылыққа шамамен 4,1 миллиард доллар жұмсады. Қаражаттың бір бөлігі Билл және Мелинда Гейтс қорына кедейшілікпен күресу, денсаулық сақтауды дамыту және COVID-19-ға қарсы вакциналарды әзірлеу үшін берілді.
