Текирдагтағы табиғи жанармай құю станциясының жұмысшысы. Мұрағат фото
Түркия Ресейден табиғи газ жеткізу төлемдерінің бір бөлігін 2024 жылға дейін шегеруді сұрады, деп хабарлайды Bloomberg ақпарат көздеріне сілтеме жасап.
Түркияның мемлекеттік энергия импорттаушысы Boru Hatlari ile Petrol Tasima AS немесе Botas төлемдердің бір бөлігін 2024 жылға дейін кейінге қалдыруға тырысады.
Сонымен бірге, агенттік сұхбаттастары атап өткендей, бұл келіссөздердің сәтті аяқталатыны әлі белгісіз.
Ақпарат құралдарының хабарлауынша, Түркияның энергия импортына тәуелділігі оның валютасы мен бюджетіне қысымды арттырды. Осылайша түрік лирасы жыл басынан бері долларға шаққандағы 28 пайыздан астам құнсызданды. Бұл аргентиналық песодан кейінгі дамушы нарықтар арасындағы ең үлкен көрсеткіш екені атап өтілді.
Сонымен қатар, Түркияның тамыз айында сауда тапшылығы өткен жылдың сәйкес айымен салыстырғанда екі есе артып, 11,2 миллиард долларға жетті, деп хабарлайды Bloomberg.
Бұған дейін агенттік Түркия президенті Режеп Тайып Ердоғанның ресейлік газға 25 пайыздық жеңілдік сұрайтынын жазған. Кейін Мәскеу мен Анкара елге жеткізілетін ресейлік жанармайдың 25 пайызын соңғысы рубльмен төлейтіні туралы келісімге келді.
