АҚШ президенті Байден бензин бағасын төмендету үшін қысым көрсетуді тапсырды
Фото: Эвелин Хокстайн / Reuters
АҚШ президенті Джо Байден экономикалық мәселелерді қадағалайтын әкімшілігінің шенеуніктеріне бензин бағасын төмендету үшін энергетика саласына «қысым жасауды» тапсырды. Бұл туралы Ақ үйдің баспасөз қызметі мәлім етті, деп хабарлайды ТАСС.
Хабарда Байден мен АҚШ вице-президенті Камала Харристің Ақ үйде қазына министрі Джанет Йеллен және сауда министрі Джина Раймондомен кездесіп, жаһандық экономиканың дамуын талқылағаны білдірілді.
«АҚШ-тың ұзақ мерзімді өсу мен инвестицияға, өндіріс пен фискалдық тәртіпті арттыруға бағытталған экономикалық стратегиясы елімізге ең тиімді жағдайда бола отырып, әлемдегі қиын кезеңдерден өтуге мүмкіндік берді», — делінген хабарламада.
Сондай-ақ, Байден елдің тарихи экономикалық жетістіктерінен бас тартпай, тұрақты өсімге қарай жылжу үшін бағаны төмендетуге бейілділігін растады.
18 қыркүйекте бұрынғы президент Дональд Трамп Байденнің әрекетіне байланысты сайлаудан кейін газ бағасының өсуін болжады. Трамп сайлаудан кейін бірден бағаның екі есе өсетінін және кез келген адам ойлағаннан да жоғары болатынын айтты. Оның айтуынша, стратегиялық мұнай қоры сайлауға емес, соғысқа арналған.
