Данияның энергетикалық агенттігі: Газбен жабдықтау жағдайы жақын арада нашарлауы мүмкін
Ritzau Scanpix / Reuters
Данияның энергетикалық агенттігі жақын арада газбен қамтамасыз ету жағдайы нашарлауы мүмкін деп болжайды. Бұл туралы РИА Новости хабарлайды.
Ұйым Ресейден келетін газдың белгісіздігіне байланысты елде ертерек ескерту режимі енгізіліп жатқанын хабарлады. Агенттік корольдік азаматтарды электр қуатын үнемдеуге шақырды.
Дегенмен, Дания билігі тұтынушылардың үйлерін қыста жылытуы үшін төтенше жағдайлар жоспарын әзірлеген. Атап айтқанда, апаттық қорларды шығаруға және ірі газ тұтынушы кәсіпорындарға газ беруді уақытша жартылай немесе толық тоқтатуға рұқсат етіледі.
Бұған дейін Нидерландтың Климат және энергетика министрі Роб Джеттен Еуропаның, атап айтқанда, Нидерландының қыс мезгіліне дейін газ қоймаларын жеткілікті мөлшерде толтыра алмайтынын айтқан болатын. Осыған байланысты Нидерланд билігі белсенді түрде қосымша шаралар қабылдауда, атап айтқанда, 2022 жылдан 2024 жылға дейінгі кезеңде көмірмен жұмыс істейтін электр станцияларының жұмысына қойылған шектеулерді алып тастау.
Сондай-ақ газды тұтынуды азайту қажеттілігі Германияны қыста отын тапшылығын болдырмау үшін көмірмен жұмыс істейтін электр стансаларын қайта іске қосу туралы шешім қабылдауға мәжбүрлегені хабарланды. Австрия да осындай шараларды қарастыруда.
ДЕНСАУЛЫҚ ҚАЛАСЫ
