Эстонияда ресейлік табиғи газды сатып алуға және тасымалдауға тыйым салу күшіне енді
Фото: Pixabay
Эстония үкіметі 1 қаңтардан бастап республикада 2022 жылдың 29 қыркүйегінде бекітілген ресейлік табиғи газды сатып алуға және тасымалдауға тыйым салу күшіне енгенін мәлімдеді, деп хабарлайды РИА Новости.
Тыйым негізінен Эстонияда жұмыс істейтін Ресейден газ тасымалдаумен айналысатын немесе оны экспорттау бойынша қызмет көрсеткен газ компанияларына қатысты. Сәуір айынан бері Ресей Балтық жағалауындағы республикаға газ беруді толығымен тоқтатқаны атап өтілді.
Бұған дейін Халықаралық энергетика агенттігінің (ХЭА) басшысы Фатих Бирол энергетикалық дағдарыстың ушығуына байланысты 2023 жылы сұйытылған табиғи газ (СТГ) нарығы үшін қиын кезең болады деп болжаған болатын. Оның айтуынша, энергетикалық дағдарыстан Украина ғана емес, Еуропа елдері де зардап шекті, өйткені Ресей олар үшін ондаған жылдар бойы маңызды жеткізуші болды.
