Bloomberg: Ресейге қарсы санкциялар Еуропадағы экономиканың негізгі секторларының жұмысына нұқсан келтіреді. Ресейге қарсы санкциялар:
Фото: Shutterstock
ЕО-ның Ресейге қарсы санкцияларын қатайту еуропалық елдер экономикасының негізгі секторларына қауіп төндіреді және олардың жұмысына нұқсан келтіруі мүмкін. Мұндай пікірді Bloomberg шолушысы Джек Виттельс білдірді.
«Егер еуропалық сатып алушылар дизельдік отын жеткізудің балама көздерін таба алмаса, санкциялар ауыл шаруашылығы және жол көлігі сияқты оған тәуелді салалардағы шығындарды көтеріп, үкіметтерге инфляцияны ұстауды қиындатады», — деп ескертті ол.
Материал авторы Ресей әлі күнге дейін ЕО-ға дизельдік отынның ең ірі жеткізушісі екенін атап өтті. 2022 жылы Еуроодақ пен Ұлыбританияның дизельдік отын импортының жартысына жуығы Ресейден келді, деді ол.
5 ақпаннан бастап Еуропалық Одақ Ұлыбритания мен АҚШ-қа қосылып, ресейлік дизель отыны мен басқа да мұнай өнімдерін теңіз арқылы әкелуге тыйым салады. Сондай-ақ ЕО мен G7 Ресейден қымбатырақ (дизель және бензин) және арзанырақ (мазут) мұнай өнімдеріне екі бөлек баға шегін енгізуді жоспарлап отыр. Біріншілері Brent маркалы мұнайдың эталондық бағасы бойынша жоғары бағамен сатылады, ал екіншісі жеңілдікпен сатылады.
