The Telegraph: Германия экономикасы соңғы 73 жылдағы ең ауыр күйзеліске ұшырады
Фото: Towfiku Barbhuiya / Unsplash
Германия экономикасы соңғы 73 жылдағы ең ауыр күйзеліске ұшырады. Бұл туралы The Telegraph жазады.
Бұл газ бағасының шарықтауымен байланысты, дейді материал авторлары. Басылым кәсіпкерлердің электр энергиясы ақысын төлеу 139 пайызға өскенін хабарлады. Инфляцияның күрт өсуі Германия экономикасына қауіп төндіреді, ол бүгінде рецессияда болуы мүмкін, деп жазады басылым.
Мақалада супермаркеттердегі азық-түлік бағасының өскені де атап өтілген. Демек, сары майдың құны төрттен үш есеге, ал өсімдік майы екі есеге қымбаттағанын басылым мысалға келтіреді.
Қыркүйек айында Германияның Орталық банкі алдағы қыста елдегі экономикалық белсенділік деңгейінің айтарлықтай төмендеуін болжаған болатын. Экономикалық жағдайдың нашарлау қаупі Ресейден келетін газдың азаюынан туындап отыр. Орталық банктің мәліметі бойынша, газды тікелей нормалау болмаған жағдайда да неміс экономикасының қысқару ықтималдығы жоғары.
Бұған дейін Германиядағы рецессия белгілерінің айқындала бастағаны белгілі болды. Бұған Бундесбанк есебінің деректері дәлел, оған сәйкес энергиямен қамтамасыз етудің төмендеуі бағаның өсуіне себеп болып, елдегі белгісіздікті күшейтеді.
