ЕО жалаулары. Мұрағат фото
Еуроодақтың кейбір елдері энергия тапшылығы жағдайында көрші елдермен жанармай бөлісуден бас тартса, еуропалық газ нарығы күйреуі мүмкін, деді Welt am Sonntag басылымына берген сұхбатында Германияның экономика институтының директоры Майкл Хютер.
«ЕО-ның жекелеген мүшелері көрші елдерге жеткізуді тоқтататын жағдай болмауы керек. Бұл Еуропаның мүддесіне және барлық көршілерімен газ алмасып отырған Германияның мүддесіне сай келеді», — деп атап өтті экономист.
Хютер егер ЕО-ға мүше елдер тек өз мүдделерін ойласа және жанармай тапшылығы болған кезде жеткізілімдерді тоқтатса, бизнес пен тұтынушылар бұл шешімнің апатты салдарына тап болатынын ескертті.
Бұған дейін Германияның Handelsblatt басылымы еуропалық елдер жанармай тапшылығы кезінде үздіксіз алмасуды қамтамасыз ететін ынтымақтастық келісімдерін жасауда қиындықтарға тап болатынын жазған.
Ресей әскерилерінің Украинаны демилитаризациялау және деназияландыру бойынша арнайы операциясы басталғаннан кейін Батыс Мәскеуге қарсы санкциялық қысымды күшейтті. Көптеген елдер ресейлік активтерді бұғаттауды жариялады, Ресейден энергиядан бас тарту туралы үндеулер күшейді. Бұл шаралар Батыстың өзі үшін проблема болып шықты – олар инфляция мен азық-түлік пен жанармай бағасының өсуіне әкелді.
