Ресей Федерациясының Индустрия және сауда министрі Денис Мантуров. Мұрағат фото
Ресейлік авиация саласы геосаяси жағдайдың дамуына қарамастан кемінде алты жылға тапсырыспен қамтамасыз етіледі, деп хабарлады «Коммерсант» газетіне берген сұхбатында РФ Индустрия және сауда министрлігінің басшысы Денис Мантуров.
«Құрылған, бюджетпен қамтамасыз етілген және қол қойылған жоспарлар орындалады. Геосаяси жағдайдың қалай өрбігеніне қарамастан, бізге кем дегенде алты жылға авиациялық тапсырыстар беріледі», — деді министр.
Мантуров отандық авиация саласына мемлекет тарапынан айтарлықтай қолдау көрсетіліп жатқанын еске салды. Атап айтқанда, осыдан бір жарым жыл бұрын ұшақтарды өндіруге салынатын ҚҚС алынып тасталды.
«Бүгін біз оны (авиация саласы — ред. ескертпесі) мемлекеттің тікелей шығындарын кейін қайтаруды талап етпей, тікелей мемлекеттік рубльмен қолдаймыз. Оны біз әуе кемелерін өндіруден, жұмыс орындарын құрудан, инфрақұрылымнан түсетін салық арқылы аламыз. Әрине, басты мәселе – билеттің соңғы құны. Жолаушылар ресейлік жаңа ұшақтар үшін өз қалталарынан ақы төлемейді. Қиыр Шығыстан келген адам жылына кемінде бір рет Қырымға ұшып, жазда күнге күйіп тұруы үшін белгілі бір бағыттарда олар үшін шығындардың бір бөлігін өтейтін боламыз», — деді министр.
