Мұнай өндіру. Мұрағат фото
ОПЕК+ альянсы мұнай өндіруді тәулігіне 2 миллион баррельге қысқартуды қарастыруда, деп хабарлайды Bloomberg делегаттарға сілтеме жасап.
Сәрсенбі күнгі отырыста альянс мұндай қысқарту, сондай-ақ тәулігіне 1-1,5 миллион баррельге дейінгі шағын қысқартуларды талқылай алады, деді делегаттар.
Онда альянстың кейбір мүшелері қазірдің өзінде өздерінің квоталарынан әлдеқайда аз өндіріп жатқанын және өндірісті қысқартпай-ақ жаңа лимитті автоматты түрде орындай алатынын атап өтеді.
Жексенбі күні Bloomberg агенттігі ОПЕК+ 5 қазанда Венада өтетін отырысында мұнай өндіруді тәулігіне 1 миллион баррельден астам қысқарту мүмкіндігін қарастыратынын хабарлады.
