Путин ресейліктер үшін көліктердің қолжетімді бағасын қамтамасыз етуге шақырды
Владимир Путин. Фото: Sputnik / Reuters
Ресей президенті Владимир Путин автомобиль өнеркәсібін дамыту мәселелеріне арналған кеңесте металл бағасы төмендеп жатқанын, бұл елдегі көліктердің құнына әсер етуі керек деді, деп хабарлайды РИА Новости.
Путин көлік нарығы ерекше назар аударуға лайық екенін атап өтті, өйткені ол жеткізілім тапшылығын және өзіндік құнының күрт өсуін бастан кешіруде. «Мен Қаржы министрінің пікірін де тыңдар едім, өйткені біздің елде металл бағасы шынымен де құлдырап жатыр, бағыт өзгерді және бұл, әрине, бағада көрінуі керек», — деді ол.
Сондықтан мемлекет басшысы көліктердің бағасын ресейліктер үшін қолжетімді етуге шақырды.
«Мен бағаны көтеретін басқа құрамдас бөліктер туралы айтып отырған жоқпын, бұл жерде де біз өзімізге қажетті және ең бастысы адамдарға дұрыс бағытта кейбір қадамдар жасай аламыз. Азаматтар үшін автокөліктердің қолжетімділігін қамтамасыз ету қажет», — деп түйіндеді Путин.
Бұған дейін Путин 1 қыркүйекке дейін автомобиль өнеркәсібін дамытудың жаңа стратегиясын әзірлеуді тапсырған болатын. Ол кәсіпорын ұжымдары мен жұмыс орындарын сақтауды саланың басты мақсаты деп атады.
Шығу синдромы: Ресей
