Түркия президенті Ердоған: Мәскеу мен Анкара рубльмен саудаға көшуге келісті
Фото: Shutterstock
Ресей мен Түркия рубльмен саудаға көшуге келісті. Бұл туралы Түркия басшысы Режеп Тайып Ердоған айтты, деп хабарлайды ТАСС.
Президенттің айтуынша, бұл «Мәскеу мен Анкараға ақша әкеледі». Ердоған ресейлік әріптесімен Түркияда «Мир» картасын пайдалану мәселесін талқылағанын және бұл мәселеде айтарлықтай ілгерілеушілік бар – елдегі бес банк осымен жұмыс істеп жатқанын айтты.
Осылайша, ресейлік туристер ресейлік банк картасы арқылы сатып алулар жасап, қонақүйде тұру ақысын төлей алады.
Мемлекет басшысы Анкара Түркия Республикасына инвестиция құйғысы келетіндерге жан-жақты қолдау көрсетіп отырғанын атап өтті.
Бұған дейін Тайланд билігі жақын арада ресейлік «Мир» картасын енгізуді күтетіні белгілі болды. Бұған қоса, Әзірбайжан да «Мир» банк карталарын қабылдағысы келген.
