Bloomberg Еуропа Одағының санкцияларынан бұрын Ресейден рекордтық мұнай жөнелтілгенін жариялады Story Ресейге қарсы санкциялар:
Фото: Pixabay
Ресей мұнайының теңіз арқылы экспорты соңғы бес айдағы рекордтық деңгейге көтерілді. Bloomberg-ке белгілі болғандай, бұл Еуропалық Одақ тарапынан мұндай жеткізілімдерге тыйым салудың жақын арада күшіне енуіне байланысты.
Агенттіктің мәліметінше, жүк тасымалы тәулігіне 3,6 миллион баррельге дейін өсті, бұл маусымның басынан бергі ең жоғары көрсеткіш. Физикалық және пайыздық мәндегі ең үлкен өсім Мурманск терминалынан жөнелтулерде байқалды.
Сондай-ақ, ресейлік мұнай тасымалдайтын кемелер баратын жеріне «сақтықпен қарайды» — олар ресейлік порттардан баратын жерін көрсетпей кетеді, деп жазады агенттік.
5 қазанда Еуроодақ Украинада арнайы әскери операцияның басталуына байланысты Ресейге қарсы санкциялардың сегізінші пакетін бекітті. Оған сәйкес, ресейлік мұнайға шекті баға енгізілуде. Бұл мұнайдың құны белгіленген шектен жоғары болса, теңіз арқылы үшінші елдерге тасымалдауға тыйым салуды білдіреді.
