Жанармай құю станциясындағы жанармай таратушы тапаншалар. Мұрағат фото
Ресейдегі жанармай құю бекеттеріндегі бензиннің құны жарты жылда айтарлықтай төмендеуі мүмкін, деп есептейді жанармай нарығының сарапшысы Олег Ашихмин. Sputnik радиосына берген сұхбатында ол өз болжамын неге негізделгенін түсіндірді.
Ресейде жанармайдың көтерме бағасы ішкі нарықта осы өнімдердің артық болуына байланысты төмендеді, деп хабарлады «Санкт-Петербор мұнай клубы» коммерциялық емес серіктестігінің президенті Олег Ашихмин. Оның айтуынша, артық ұсыныс экспорттаушылардың қиындықтарынан туындаған.
«Ресейдің ішкі нарығында жанармайдың артығы бар, көтерме бағалар төмендеді, бірақ бөлшек саудадағы бағалар айтарлықтай төмендеген жоқ», — деді сарапшы.
Жанармайдың соңғы тұтынушы үшін арзандамауының бір себебі, жанармай құю бекеттері иелерінің көтерме бағаның динамикасы өзгереді деген қауіптенуде, деді ол.
«Бензин сатушылар көтерме бағаның төменгі деңгейде бекітілетініне нақты сенім білдірмейді. Мұндай жағдайда жанармай құю станцияларының операторлары кейінірек оларды күрт өсірмеу үшін бағаны айтарлықтай төмендетуге асықпайды. Бұлай етілетін болса, көлік иелерімен қарым-қатынаста шиеленіс тудыруы мүмкін», — деді Ашихмин.
Көтерме баға кем дегенде алты ай бойы төмен болған жағдайда бөлшек сауда бағасы төмендеуі мүмкін, деп санайды сарапшы. Оның болжамы бойынша, көлік иелері шамамен 2023 жылдың басынан бастап бензинді әлдеқайда жақсы бағамен сатып ала алады.
«Егер көтерме баға жарты жыл ішінде салыстырмалы түрде төмен деңгейде болса, онда жанармай құнының төмендеу динамикасы тұрақты болғаны белгілі болады. Осыдан кейін бөлшек саудадағы бензин бағасы айтарлықтай төмендейді деп күтуге болады», — деді Олег Ашихмин Sputnik радиосына берген сұхбатында.
