Softline ресейлік бизнесті бөлуді бастау ниеті туралы хабарлады
Фото: Unsplash
IT және цифрлық трансформацияға арналған шешімдерді жеткізуші Softline Ресейдегі бизнесін бөлуді бастау ниетін жариялады. Бұл туралы компанияның сайтында хабарланды.
Жаһандық компания Softline Лондон қор биржасында өзінің ашық мәртебесін сақтап қалуды жоспарлап отыр. Ресейлік бизнес негізін қалаушы Игорь Боровиковтың бақылауымен қайта оралатыны атап өтілді.
Мәскеу биржасында тіркелген компанияның ресейлік акционерлері бір акцияға шамамен 0,6 бонустық бағалы қағаз алады. Сонымен бірге, Ұлттық есеп айырысу депозитарийіне Еуропалық Одақтың санкцияларына байланысты акционерлердің есептелген бонустық бағалы қағаздарды алу мүмкіндігі жоқ.
Айта кетейік, Softline-ды бөлу процесі аяқталғаннан кейін ресейлік акционерлерге Ресей Федерациясында өз құқықтарын жүзеге асыру механизмі ұсынылуы мүмкін.
Бұған дейін хабарланғандай, Ресейдегі қызметін шектеген немесе елден кеткен шетелдік компаниялар ақпан айының соңынан бері 200-240 миллиард доллар жоғалтқан. Қыркүйек айының басындағы мәлімет бойынша, Ресейде жұмыс істейтін ірі шетелдік компаниялардың 34 пайызы елдегі қызметін шектесе, 15 пайызы бизнесті ресейлік еншілес компанияның жаңа иесіне ауыстырды, тағы жеті пайызы бизнесін сатпай-ақ толығымен кетуге шешім қабылдады.
