«Түрік ағыны» арқылы газ жеткізу жөндеу жұмыстарына байланысты 21-28 маусым аралығында тоқтатылады.
Фото: Стоян Ненов / Reuters
21 маусымнан бастап ресейлік газды «Түрік ағыны» құбыры арқылы жеткізу уақытша тоқтатылады. Бұл туралы ТАСС хабарлайды.
Мұндай шешім қабылдауға газ құбырына жоспарлы жыл сайынғы жөндеу жұмыстары себеп болып отыр. Жөндеу жұмыстары бір аптаға, яғни 28 маусымға дейін жалғасады. Газпром тоқтата тұру барлық мүдделі тараптармен алдын ала келісілгенін баса айтты.
Бұл ретте мамыр айында жөндеу жұмыстары жүргізілген «Көгілдір ағын» құбыры арқылы Ресейден Түркияға газ ағыны жалғасып жатқаны хабарланды.
Түрік ағыны 2020 жылдың басында іске қосылды. Газ құбырының өткізу қабілеті 31,5 млрд текше метрді құрайды. Түркияның негізгі газ жеткізушілері Ресей мен Иран. Ресей президенті Владимир Путин Ресей мен Түркия арасындағы ынтымақтастықтың кеңейіп жатқанын, «Түрік ағыны» іске қосылғаннан кейін серіктес елдің еуропалық газ нарығындағы дүрбелеңге қарамастан өзін «толық сенімді және тұрақты» сезінетінін айтты.
Не істеу?
