Газ қабылдау станциясы FGSZ Ltd. Мұрағат фото
Қара теңізден құрлыққа газ жеткізу үшін теңіз түбіне құбырлар төсеу жұмыстарын жыл соңына дейін аяқтау жоспарлануда, деп хабарлады Түркияның табиғи ресурстар және энергетика министрі Фахреттин Дөңмез.
Түркия дүйсенбі күні Қара теңіздегі Сакария кенішінен табиғи газ құрлыққа жеткізілетін алғашқы құбырды теңізге шығарды. Түркия Қара теңізде 540 миллиард текше метр газ өндіру және тасымалдау жобасына 10 миллиард долларға жуық инвестиция салады деп хабарлайды Sabah газеті. Қара теңіз қайраңындағы түрік Сакария газ кен орнынан Филос портына дейінгі газ құбырының теңіздегі бөлігінің жалпы ұзындығы 155 шақырымды құрайды. Жоспар бойынша, кеніштен алғашқы газ Түркияға 2023 жылы келуі керек.
«Барлық құбыр төсеу жұмыстарын жыл соңына дейін аяқтауды жоспарлап отырмыз. Газды пайдалану 2023 жылдың бірінші тоқсанына жоспарланған», — деді министр TRT Haber арнасына берген сұхбатында.
