Aydınlılk: Түркия санкция жағдайында Ресеймен бартерлік сауда мәселесін пысықтайды
Фото: Кирилл Каллиников / РИА Новости
Санкциялар мен төлем жүйелерін пайдалануға шектеулер туындаған жағдайда Түркия Ресеймен бартерлік сауда мәселесін пысықтайды.Түрік тарапы тауар айырбастау мүмкіндігін қарастырады және жалпы алғанда мұндай сауда форматына дайын екенін хабарлайды. Бұл туралы Түркияның Aydınlılk газеті Экспортшылар ассамблеясына сілтеме жасап хабарлайды.
«Санкциялар ұзартылса да, екі ел арасындағы сауда үзілмейді. Қажет болса, бартер мәселесі күн тәртібінде тұр», — делінген хабарламада.
Бұл ретте басылым төлем жүйелері толық істен шыққан жағдайда түрік тауарларын Ресейден сатып алынған энергияға айырбастауға болатынын атап өтті.
Бұған дейін Ресей Қаржы министрлігі сыртқы саудада шетел валютасындағы төлемдердің орнына айырбасқа көшуге рұқсат берген болатын. «Егер біздің компаниялар ұлттық валютадағы бухгалтерлік есеп арқылы бартерлік операцияларға келісе, біз бұған араласпаймыз», — деп түсіндірді Қаржы министрі Антон Силуанов. Тауар алмасу тәртібін жеңілдету үшін елде орталықтандырылған клиринг ұйымдастыруға болады, деп қосты ол.
