Twitter әлеуметтік желіні бір акция үшін 54,2 долларға сатып алғысы келетіні туралы Масктан хат алғанын растады.
Илон Маск. Фото: Стивен Лам / Reuters
Twitter өкілі Tesla және SpaceX негізін қалаушы Илон Масктан әлеуметтік желіні сатып алу мәмілесін аяқтауға ниет білдірген хаты шынымен де келіп түскенін айтты. Бұл туралы сейсенбі күні Reuters агенттігі хабарлады.
Оның айтуынша, бұл хат кәсіпкердің компанияны бір акцияға 54,2 доллардан сатып алу ниетін растайды.
Бұған дейін Маск Twitter-ді қайтадан сатып алғысы келетіні хабарланған болатын. Bloomberg сұхбаттастарының айтуынша, кәсіпкер бұл ұсынысын Twitter-ге жазған хатында айтқан. Осының аясында әлеуметтік желі акцияларының құны 15 пайызға қымбаттады.
25 сәуірде Tesla және SpaceX негізін қалаушы Twitter-мен оны 44 миллиард долларға сатып алу туралы келісімге келді. Мәміле жыл соңына дейін аяқталуы керек еді, бірақ 9 шілдеде кәсіпкер одан бас тартты.
