Көрермен: Ұлыбритания Ресейден келетін газдың жоқтығынан электр энергиясы үшін 5000 пайызға артық төледі
Фото: Unsplash.com
Ұлыбритания рекордтық аптап ыстық кезінде электр энергиясы үшін 5000 пайыз артық төлеп, ресейлік газдың жетіспеушілігіне байланысты Бельгиядан импорттаған. Бұл туралы The Spectator хабарлады.
Мақалада Ресейден жеткізілетін жанармайдың қысқаруы Германия экономикасына да айтарлықтай әсер етіп, қыста еуропалық мемлекеттер неміс өнеркәсібін «құтқару» үшін тұтынуды 15 пайызға қысқартуға мәжбүр болатыны атап өтілген.
Материалда Ұлыбританияның Еуропалық Одақтан шығуы (Brexit) Лондонға Германия тап болған осындай ауқымды жанармай дағдарысын болдырмауға мүмкіндік бергені, бірақ ел тұрғындары әлі күнге дейін энергия үшін өте жоғары баға төлейтіні айтылған.
Мақала авторлары: «Шілде айындағы аптап ыстықтың шарықтау шегінде біз Лондондағы электр қуатын өшірмеу үшін бельгиялық энергия импорты үшін 5000 пайызға артық төлеуге мәжбүр болдық», — деп түйіндеді мақала авторлары.
Бұған дейін даниялық Green Power компаниясының энергетикалық сарапшысы Кристиан Руне Поулсен газ соғысының шиеленіскенін мәлімдеген болатын. Маманның айтуынша, Еуропада газ бағасы қазірдің өзінде тым жоғары болды, бірақ аз уақыт ішінде энергия ресурстарының құнын тарихтағы рекордтық деңгейге жақындатқан тағы бір секіріс болды.
