Financial Times: Ұлыбритания тұрғындары рекордтық инфляцияға наразы
Фото: XYZ PICTURES / imageBROKER.com / Global Look Press
Ұлыбритания тұрғындары елдегі инфляция қарқынына наразы, күнкөріс құнының өсуі азаматтардың наразылығын арттырып отыр. Бұл туралы Financial Times хабарлады, деп жазады РИА Новости.
Басылымның мәліметінше, маусым айында инфляция күтілгеннен әлдеқайда жоғары болып, 9,4 пайызды құрады. Бұл G7 елдері арасындағы ең нашар көрсеткіш болды. Оның негізгі себебі азық-түлік (9,8 пайыз) мен бензин (литріне 18,1 пенс) бағасының өсуі болды. Жағдай қазан айында энергияның көтерме бағасы көтерілген кезде күрт нашарлауы мүмкін.
Сонымен бірге жұмысшы табының өкілдері арасында қазіргі жағдайға наразылық күшейе түсуде. Осылайша, Royal Mail қызметкерлері елдегі ең ірі ереуілге шығуға ниетті. Бюджеттік сала қызметкерлері де алаңдаулы: билік жалақыны небәрі 5 пайызға көтеруді ұсынды, бірақ бұл инфляция деңгейінен төмен, делінген мақалада.
Ұлыбританияның Ұлттық статистика басқармасының мәліметі бойынша, Ұлыбританиядағы жылдық инфляция маусым айында 9,4 пайызға дейін үдеп, соңғы 40 жылдағы рекордтық деңгейге көтерілді. Бұл негізінен азық-түлік пен қуат көздерінің қымбаттауына байланысты болды, бұл ескі көліктер мен аудиовизуалды жабдықтардың арзандату бағасының орнын толтырды.
