Bloomberg: Ұлыбританиядағы 30 жылдан астам уақыттағы ең ірі теміржол ереуілі
Фото: Кирби Ли / Reuters
Ұлыбританияда соңғы 30 жылдан астам уақыттағы ең ірі теміржол ереуілі болады деп күтілуде, бұл «жол қозғалысы хаосына» әкелуі мүмкін. Бұл туралы Bloomberg мәлім етті.
Басылымның мәліметінше, теміржолшылар ереуілге үш күн: 21, 23 және 25 маусымда шығуды жоспарлап отыр. Акцияға 13 теміржол компаниясынан, сондай-ақ Network Rail теміржол инфрақұрылымының операторынан барлығы 40 мыңға жуық адам қатыспақ.
Экономика және бизнесті зерттеу орталығы 10 маусымда теміржол және метродағы ереуілдер Ұлыбританияға 100 миллион фунт стерлингке (122,7 миллион доллар) зиян келтіруі мүмкін деп есептеді. Бұл жағдайда негізгі соққы Лондон көлігіне түседі. 21 маусымдағы ереуілдің бірінші күні 250 мыңға жуық адам жұмысқа шыға алмайды.
Сәуір айында Ұлыбританиядағы экологиялық наразылықтар жанармай құю станцияларында жанармай тапшылығын тудырып, кейбір азаматтардың жұмысқа шығуына кедергі келтірді. Британдық экологиялық белсенділер Just Stop Oil тобы Эссекстегі мұнай базасындағы құбырларға байланып қалды.
Шығу синдромы: Ресей
