Жапондық иен соңғы 24 жылдағы ең төменгі деңгейге түсті
Фото: Тору Ханай / Reuters
Жапондық иен соңғы 24 жылдағы ең төменгі деңгейге түсті. Осылайша, 13 маусым, дүйсенбі күнгі таңғы сауда сессиясында ұлттық валютаның долларға шаққандағы бағамы бір доллар үшін 135,2 иенді құрады. Бұл туралы РИА Новости хабарлайды.
Елдің орталық банкі ретінде әрекет ететін Жапония банкінің басшысы Харухико Курода иеннің күрт құлдырауының жалғасуы белгісіздікті арттырып, бизнесті жоспарлауды қиындатады және экономика үшін минус екенін айтты. Бұл валюта бағамының 1998 жылдан бергі рекордтық құлдырауы екені атап өтілді.
Түстен кейін бағам бір доллар үшін 134,6 иен деңгейіне дейін төмендеді.
Бұған дейін Жапонияның көптеген префектураларының фермерлері әлемдік нарықтағы бағаның жоғары болуына байланысты күріштің орнына бидай мен соя өсіруді жоспарлап отырғандарын айтқан. Мұндай шешімді Жапонияның 47 префектурасының 37-сінде фермерлер қабылдады. Шаруалар жаңа егінге 35 мың гектардай жер бөлуді жоспарлап отыр.
