Reuters агенттігінің хабарлауынша, ЕО ресейлік мұнай бағасының шекті деңгейі туралы келісімге келе алмады
Фото: Pixabay
Еуропалық Одақ (ЕО) елдері үкіметтерінің өкілдері ресейлік мұнайға шекті баға деңгейі туралы келісімге келе алмады. Бұл туралы Reuters хабарлайды.
«Ешқандай келісім жоқ. Құқықтық мәтіндер келісілген, бірақ Польша баға бойынша әлі келісе алмайды», — деді дипломаттардың бірі.
Бұған дейін РФ президентінің баспасөз хатшысы Дмитрий Песков Ресейдің «табанына оқ атпайды» және мұнай бағасын шектейтін елдерге сатпайтынын айтқан болатын. Оның айтуынша, Мәскеудің бұл мәселеге қатысты ұстанымын Ресей лидері Владимир Путин айтып қойған, бірақ онда «көп нюанстар» бар.
25 қарашада Еуроодақ елдерінің дипломаттары Ресейден келетін мұнай бағасының шекті деңгейі туралы келіссөздерді кейінге шегергені белгілі болды. Бұл шешім континент мемлекеттері дипломаттарының осы мәселе бойынша ұстанымдарының әртүрлі болуына байланысты қабылданды.
